"الرجل الي عاش في المطار"

 حكاية النهاردة هي "الرجل الي عاش في المطار" يلا نعرف الحكاية

اتولد مهران كريمي ناصري سنة 1945 اتولد في جامع سليمان كان لاجئ معندهوش جنسية لكن هو إيراني بقي مشهور باسم سير الفريد مهران، عاش في مطار باريس شارل ديغول الدولي الفرنسي في صالة رقم 1 عاش في المطار من سنة 1988 في 8 أغسطس لحد سنة 2006 في أغسطس، اتولد في مجمع سكني تبع شركة النفط الانجليزية الفارسية في مدينة إيران في مدينة جامع سليمان.

اتبناه أب إيراني بيشتغل دكتور في نفس الشركة وأم إسكتلندية بشتغل ممرضة، وفي سنة 1973 سافر مهران للمملكة المتحدة عشان يدخل كلية برادفورد وياخد شهادة جامعية في دراسات يوغوسلافيا وهو هناك شارك في مظاهرة ضد شاه إيران  محمد رضا بهلوي وكانت في سنة 1974 في شهر مارس، وفي سنة 1975 في 7 أغسطس رجع لإيران تاني بسبب قلة فلوس، وفي سنة 1977 قدم طلب لجوء لامانيا وبلجيكا لكن اترفض من بلدين وفي سنة 1978 قدم طلب لجوء لفرنسا لكن برضوا اترفض قدم طلبات كتير جدا لجوء لبلاد كتير وكلهم اترفضوا وفي مرة حاول دخول ألمانيا لكن اطرد لحدود بلجيكيا وفي الوقت دا بلجيكا سمحتله أنه يدخل البلد وفي سنة 1980 في 7 اكتوبر وافقت مفوضية اللاجئين العليا تبع الولايات المتحدة في بلجيكا منحة لمهران للجوء لبلجيكا نفسها وعاش فيها لحد سنة 1986 وبعد كدا قرر يعيش في المملكة المتحدة وفي الوقت دا اتسرق منه شنطته في محطة القطر في باريس وكان فيها كل أوراقه وبعد كدا طلع الطيارة الي رايحه المملكة المتحدة ولما وصل مطار هيثرو من غير اوراق الي في المطار قرروا أنه يرجع لمطار شارل دي غول تاني ولما وصل مطار شارل راح منطقة الانتظار في المطار لحد مايثبتوا هويته وللاسف مثبتوش هويته واعقد هناك حوالي 18 سنة وعلى مدار سنين دية اتاقلم على حياته في المطار واتبرعوا العاملين في المطار أنهم يغسلوا هدومه واتعود على أن يسمع مذيع في المطار وكان بيقرا كتب كتير وبيكتب مذكرات كل يوم وبمساعدة الكاتب "أندرو دونكين" نشر كتاب له في بريطانيا وألمانيا وبولندا ويابان والصين ووصفته جريده التايمز اللندنية أنه كتاب جميل جدا وفي سنة 1999 الحكومة الفرنسية اديته تأشيرة مؤقته وجواز سفر لاجئ وادوه فرصه يعيش في فرنسا ولكن مهران رفض عشان هو إيراني.

وفي سنة 2006 في 1 أغسطس اتنقل مهران للمستشفى بسبب أن حالته ادهورت وفي سنة 2007 اخذت الصليب الأحمر الفرنسي قضيتة ونقلوه في فندق قريب من المطار وبعد كدا دخلوه باريس في مركز إيمايوس وفي سنة 2022 في 12 نوفمبر مات مهران ناصري في باريس وكان عندة 77 سنة.

- ازبكية دوت كوم نجلب لك كل ما هو قيم تابعنا لكل جديد https://www.azpkia.com

https://facebook.com/azpkia

https://www.instagram.com/azpkiaa

https://www.tiktok.com/@azpkia https://www.youtube.com/@azpkia