"قرية الأقزام"

 حكاية النهاردة هي "قرية الأقزام"  في الصين يلا نعرف الحكاية:

قرية الاقزام أصل اسمها "قرية يانغسي" قرية ديه في جنوب غرب الصين مشهوره اوى بالناس الأقزام بتحتوي على الاقزام بحوالي 40% من سكان القرية، طول الناس الأقزام هناك ميتعداش 115 سم تقريبا، حجم الناس الأقزام في القرية ديه كبير جدا ناس كتير بتقول انها مش صدفة وفي حاجة غريبة في القرية وفعلا بعد تحريات ومعلومات كتير مع أهل القرية عرفوا الحقيقة وهي في أيام الصيف القرية تعرضت لوباء أثر على نمو الأطفال وبعد تعرض الأطفال للوباء دا خلي الأطفال عندهم عجز في الطول، وفي أطفال كتير بقي عندهم اعاقات كتير ومش بس كدا الأجيال كلها اتورثت الوباء دا وكل المواليد الجديده بقي عندها نقص في النمو.

وبعد كدا البعثات العلمية عملوا للقرية دراسة للأكل الصحي والبيئي، وبيحاولوا يعرفوا حاجة مميزة لحل لغز الاقزام وعملوا فحوصات كتير على جسم الاقزام عشان يتأكدوا من أن فعلا في خلل عندهم ولكن بعد إجراء فحوصات البعثات العلمية معرفوش اي دليل يفسر سبب نسبة الأقزام في القرية بطريقة ديه، وفي تفسيرات تانيه من قبيل بتقول أن سبب نسبة الأقزام في القرية هي لعنة بسبب أنهم كانوا دفنين اجدادهم وابهاتهم بطريقة مش مناسبة وبسبب الموضوع دا انتشر الوباء في القرية وفعلا كان المرض دا منتشر في الأجيال القديمة والناس الكبيرة، وقرية "يانغسي" مش هي الوحيدة الي فيها ناس اقزام كتير لا في مدينة تانية فيها اقزام بنسبة كبيرة جدا وهي موجودة في قرية "كونمينج".

قرية دية مختلفة عن قرية "يانغسي" عشان فيها ناس اقزام في مناطق مختلفة ملهمش علاقة ببعض لكن كلهم مشتركين في حاجه واحدة وهي طولهم مايتعداش 140 سم، بنوا الاقزام مدينة لوحدهم وفيها حكومة ومطافي خاصة بيهم هما بعيد عن حكومة الصين وكانوا امبراطور وامبراطورة بيحكمهم، وعملوا القرية دية في سنة 2009 بنوها مجموعة من الاقزام الي كانوا ساكنين في جبل في مدينة "كونميج" ولما بنوا بيوت في القرية الجديدة بنواها على شكل نبات الفطر وكانوا بيعملوا عروض كل يوم  للسياح وبقت القرية دية حاجة مهمة جدا للسياح.

عملوا في القرية دية كل حاجة زي مواصلات محلات مطاعم وكمان وزارة صحة ومدارس ومستشفيات كل حاجة وكان كل بيوت هناك شكل واحد وهو على شكل نبات الفطر "المشروم" كانت شبة بيوت السنافر والبيوت هناك شكلها جميل اوي واول ما تشوفها تحس بسحر خيالي.

حياتهم مليانه سعادة وفرحة وأغلب الناس هناك بيشتغلوا في الغنا وحاجات فنية وكل السياح الي بيروحوا هناك بيستمتعوا بالضحك والفرح.

وبيستقبلوا السياح بالورد وبهدوم غريبة بتجدب السياح كانت قرية صغيرة اوي وكان الي بيحكمها قزم وحراسه مجموعه من الاقزام بيحموا الملك وفي ناس متخصصين للامن عشان يحافظوا على القرية وكمان في مكان مخصص للشرطة بيشتغلوا فيه مجموعة من الاقزام برضوا عشان يحفظوا على أمن القرية وفيها ناس بيشتغلوا في المطافي، كان الهدف من بنا القرية دية هي السياحة ولكن معظم الناس بنوا القرية دية عشان يعيشوا مع بعض من غير الناس الطبيعية قرية مخصصة للاقزام وبس بعيد عن زحمة الناس وبعيد عن عنصرية الناس وتريقتهم عليهم عشان كدا بنوا قرية دية عشان يحفظوا على حقوقهم ويعيشوا حياتهم بسعادة.

- ازبكية دوت كوم نجلب لك كل ما هو قيم تابعنا لكل جديد https://www.azpkia.com

https://facebook.com/azpkia

https://www.instagram.com/azpkiaa

https://www.tiktok.com/@azpkia

https://www.youtube.com/@azpkia