"وفاء العصافير"

حكاية النهاردة هي "وفاء العصافير" يلا نعرف الحكاية:

كانت في سيدة اسمها "تريزا جيوشيلي" عندها 80 سنه كانت بتعيش لوحدها من غير اي حد، كانت بتربي عصفورتين اسمهم "كارلا، بولا" كانوا صغيرين اوي بس كانوا مونسنها بصوتهم وفي يوم كانت "تريزا جيوشيلي" في المطبخ بتطبخ وفجأه حست انها دايخه اوي بسبب اعراض الشيخوخة اول حاجه فكرت فيها هي أن لو حصلها حاجه او ماتت محدش هيحس بيها والعصفورتين "كارلا، بولا" هيموتوا من الجوع والعطش محدش هيشوفهم وبعد وقت من التفكير وقعت في الأرض واغمي عليها وبعد وقت حاولت على قد ما تقدر أنها تزحف لحد القفص عشان تفتح القفص للعصافير ويمشوا وفعلا زحفت وهي تعبانه جدا ووصلت القفص وفتحت القفص ليهم عشان يطيروا ويمشوا عشان خايفه عليهم يموتوا من الجوع والعطش وفعلا العصافير طلعت بره القفص وطاروا نحيه المطبخ و"تريزا جيوشيلي" اغم عليها تاني من كتير المجهود الي عملته.

وحصلت هنت المفاجأة وهي أن العصفورتين مقدروش يسبوها لوحدها ويمشوا وكأنهم حاسين بيها وطاروا ناحية البلكونة وقفوا على السور واعقدوا يصفروا وكأنهم بيغنوا وملوا الشارع كله صفير الجيران استغربوا اوي من صوتهم كانوا متفاجئين ازاي عصفورتين خرجوا من القفص كانوا متعودين دائما أنهم محبوسين في القفص جوه البيت صعبوا عليهم اوي أنهم يضيعوا في الشارع وراحوا لبيت "تريزا جيوشيلي".

وخبطوا كتير اوي ولكن مفتحتش الباب عشان مغمي عليها خافوا عليها اوي واتصلوا بالشرطه والاسعاف وجت الشرطه واخيرا الباب اتفتح ولقوا "تريزا جيوشيلي" مغمي عليها وفي كسر في رجليها نقلوها المستشفي وبعد مافاقت من الغيبوبه وبصت للعصفورتين وقالتهم "كنت عارفه أن مليش غيركوا" انتو فعلا الي انقذتوا حياتي، بصلها راجل من الشرطه بااستغراب على الوفاء دا وقالها " انتي تعرفي أن أول ما وصلنا بيتك وبدانا نسعفك رجعوا العصفورتين لوحدهم للقفص تاني وعشان كدا قفلنا عليهم القفص وجبناهم معانا عشان اول ماتفتحي عينك تلقيهم قدامك". 

- ازبكية دوت كوم نجلب لك كل ما هو قيم تابعنا لكل جديد https://www.azpkia.com

https://facebook.com/azpkia https://www.instagram.com/azpkiaa

https://www.tiktok.com/@azpkia

https://www.youtube.com/@azpkia