"جسر إنتحار الكلاب"

 حكاية النهاردة هي "جسر إنتحار الكلاب" يلا نعرف الحكاية:

في بداية خالص كان مكان الجسر دا لعائلة اسمها "أوفرتون" ولحد دلوقتي مكان دا معروف باسم مزرعة "أوفرتون" وفي سنة 1859 استولي "جيمس وايت" على مكان دا وفي الوقت دا كان كبر في السن ومش بيشتغل وراح لصاحب المزرعة ديه واشتغل معاه في تجارة المواد الكيميائية وبعد 3 سنين بالظبط بني بيت في المزرعة، وفي سنة 1894 مات "جيمس وايت" صاحب المزرعة جاب إبن "جيمس وايت" وكان اسمة "هنري ميلز" عشان يصمم حاجات طبيعية ويربط بين منطقتين"أوفرتون، وجارشيك" وخلصوا بناء الجسر في سنة 1895 وبقي مكان مشهور اوي بسبب تصميمه الجميل وأراضي زراعية خضراء كتير وبعد وقت في ناس كتير بتبلغ أن في حاجات كتير بتحصل مش طبيعية.

ومفاجأة أن أوقات كتير ناس بتمشي مع كلاب في مكان دا ومره واحده كلاب تنط من على الجسر وكلاب كتير بتموت بسبب بعد الجسر عن الأرض بحوالي 50 متر وبسبب الصخور، وناس كتير بتقول أن في كلاب كتير بتحاول تطلع بعد مابتقع ولكن مش بتعرف وحتي لو عرفت بتطلع وتنط تاني، و "لوتي ماكينون" كانت صاحبة كلبة بتقول انها كانت بتتمشي مع كلبة وفجاه اول ما قربت على الجسر حست أن كلبة اتجمدت وفجأة اتحولت لكلبه عندها طاقه غريبة اوي وجرت ناحيه الجسر بسرعه اوي ثم وقعت ولكن الكلبة كان عندها حظ رهيب ونجت من النطه.

وللاسف "لوتي ماكينون" مش اول ناس الي كلابهم تنتحر من على الجسر وفي سنة 2011 "ديفيد، ولويز ماكفيل" كانوا لسه متجوزين وبيتمشوا على الجسر مع كلابتهم "صوفي" وقبل مايلاحظوا اي حاجه فجاه "صوفي" رمت نفسها من على الجسر و"لويز" اعقدت تصوت بصوت عالي وللاسف راحت "صوفي"، حصلت حوادث زي كدا كتير اوي وجمعية "الاسكتلندية" استغربت من حوادث ديه اوي وبعتت ناس عشان تشوف حوادث ديه وتحقق ومعرفوش يوصلوا للحقيقه، والأسطورة المحلية بتقول أن كل حوادث ديه من شبح "جون وايت" صاحب الجسر القديم وطلعوا عليها اسم "السيده البيضا أوفيرتون" وناس كتير بتقول أن بيشوفوا اشباح كتير بليل من الشبابيك، وناس كتير بتقول أن السبب الحقيقي ورا إنتحار الكلاب هو حبهم للريحه تحت الجسر، والعالم "ديفيد ساندز" يقول إن سبب إنتحار الكلاب هو منظر الجسر وان الريحه هي سبب في انتحار كلاب، ولحد دلوقتي صحاب الكلاب مش بتعدي من على جسر "أوفرتون"، والي انتحروا لحد دلوقتي حوالي 600 كلب ومنهم 50 كلب انتحروا من على الجسر من غير اي سبب.

- ازبكية دوت كوم نجلب لك كل ما هو قيم تابعنا لكل جديد https://www.azpkia.com https://facebook.com/azpkia

https://www.instagram.com/azpkiaa

https://www.tiktok.com/@azpkia

https://www.youtube.com/@azpkia