"لغز التوائم الصامت"

 حكاية النهاردة هي "لغز التوائم الصامت" يلا نعرف الحكاية:

 كان في اتنين توائم بنات لاحظت أمهم أن من اول ما اتولدوا وكل ما واحده تبعد عن التانيه التانيه تعيط جامد اوي واول مايقربوا من بعض تاني يسكتوا ولما كبروا شويه كان عندهم مرض اسمه اضطراب الكلام وكانوا الاتنين بيتكلموا كلام مش مفهوم لغه بتاعتنا بس لغه مش مفهومه وفضل موضوع دا سنين كتير وفجأة مبقوش يتكلموا خالص، ولما كبروا وراحوا المدرسه كانوا أكثر ناس بيجيبوا درجات عاليه اوي بس برضوا مكنوش بيتكلموا وكان في طلبة بيتريقوا عليهم جدا وكان في ناس بتخاف منهم بسبب أنهم بيعملوا كل حاجه مع بعض يقفوا مع بعض يمشوا مع بعض ويتحركوا مع بعض وكأنهم انسان واحد واتقسموا اتنين وكانوا بيتجاهلوا اي إنسان يتكلم معاهم ولا بيفرحوا ولا بيحزنوا وكانوا بيكلوا لوحدهم في غرفتهم مش بياكلوا مع اي حد ولا حتي مع الأب ولا الأم.

  كانت أمهم بتحاول قدر الإمكان أنها تطلعهم من الحاله ديه ولا مافيش أمل وفي يوم اجبرتهم أنهم ياكلوا معاهم وفضلوا اعقدين ساعات كثير مش بياكلوا لحد ماصعبوا على أمهم وسبتهم يروحوا غرفتهم وياكلوا، ولما بيروحوا المدرسه وياكلوا بيروحوا مكان بعيد عن كل الناس وياكلوا، ولما بقي سنهم 12 سنه عرضتهم أمهم على دكتور وقالها أن عندهم حاله اسمها "الصمت الانتقائي" حاله ديه الإنسان بيختار ناس معينه وقليله اوي يتكلموا معاهم وياكلوا معاهم ويتجاهلوا الباقي وعشان هما توائم اختاروا بعض وتجاهلوا العالم كله.

وبعد كدا أمهم نقلتهم مدرسه خاصه لحالات زيهم وبدأت حالتهم تتحسن شويه وبدأوا يضحكوا ومدرسه بتاعتهم اكتشفت أنهم بيتكلموا إنجليزي حلو جدا بس بطريقه غريبه شويه وصعب حد يفهما وبيتكلوا بسرعه جدا، ولما كبروا شويه وبقي عندهم 13 سنه تحسنت حالتهم بس قربوا من بعض أكثر واكثر، وكتبوا في يومياتهم أنهم يتمنوا أنهم يعيشوا حياتهم بعيد عن العالم وبيحسوا أنهم انسان واحد، كبروا وبقي عندهم 16 سنه أهلهم فصلوهم عن بعض خالص عشان يعيشوا حياتهم، راحت "جنفر" بيت ستها في مدينه تانيه، وفضلت "جون" مع أبوها وأمها ومن هنا بدأت حالتهم تسوء أكثر ومش بياكلوا ولا يناموا ولا يشربوا خالص و"جنفر" جالها تشنج وكانت شبه مشلوله، أهلهم زعلوا جدا ورجعوهم يعيشوا مع بعض تاني، "جون" لاقت شغل في مكتب ولكن مقدرتش تكمل عشان مش قادره تبعت عن "جنفر" توائمها وسابت الشغل.

بدأوا يكتبوا كتاب عن قصتهم ولكن موضوع فشل زادوا اكتئاب أكثر وكرهوا بعض وكتبت "جنفر" في يوميتها أنها عايزه تقتل "جون" عشان تعيش حياتها بطبيعة، فكروا التوائم أنهم يتخلصوا من البشر عشان يعيشوا في العالم لوحدهم وفعلا حرقوا مبنى خزين بس كان فاضي بس عمل حريقه جامده اوي وإشعال نار في المبني كله وبعد كدا انقبض عليهم واتحبسوا وبعد شهر بالظبط واتحولوا لمستشفي الامراض العقليه ولما وصلوا المستشفى انفصلوا عن بعض خالص وكانوا بيكتبوا رسايل لبعض وكتبت "جنفر" أن حاسه انها هتموت قريب اوي وفضلوا في المستشفي وكان كل ما ميعاد خروجهم يقرب القاضي يرفض أنهم يخرجوا كان مفروض أنهم يقضوا سنه بس قضوا 12 سنه، وفي يوم كتبت "جون" قصيده وقالت (في يوم كنا اثنين وخلقنا لنكون وأحد ودلوقتي مبقناش اتنين من خلال الدنيا اصبحنا واحد).

وتاني يوم من كتابه القصيدة ديه ماتت "جنفر" فجأة رغم أنها مكنتش تعبانه، والغريب فعلا أن "جون" مكنتش زعلانه وكأنها تعرف من قبل كدا وفي دفنها كتبت "جون" على قبرها قصيدة "جنفر" وهي أن توائمها هتعيش حياه طبيعيه بعد ماتموت، والغريب في الموضوع أن بعد ما "جنفر" ماتت "جون" عاشت حياتها بشكل طبيعي اوي وعشان كدا الحكومة شكت فيها انها هي الي قتلتها وبعد تحقيقات كثير عرفوا أنها مظلومة، وقالت جون ليهم أن "جنفر" ضحت بنفسها عشان توائمها تعيش.

-

ازبكية دوت كوم

نجلب لك كل ما هو قيم

تابعنا لكل جديد

https://www.azpkia.com

https://facebook.com/azpkia

https://www.instagram.com/azpkiaa

https://www.tiktok.com/@azpkia

https://www.youtube.com/@azpkia