"السجين شميدث"

 حكاية النهاردة هي "السجين شميدث" يلا نعرف الحكاية:

في أيام الستينات في سجن من سجون ألمانيا حصل حادثة غريبة جدا، كل المجرمين في سجن ألمانيا يقضوا العقوبة بس كانوا بيعانوا من معاملة وحشة جدا وفيها إساءة من حراس السجن وكان في سجين وحيد بيتعامل معاملة كويسة جدا كان اسمه "شميدث" كان محكوم عليه أحكام كثير جدا كان حراس السجن بيعملوه حلو اوي، وكل المساجين مستغربين اشمعنا المجرم دا وكانوا بيشكوا في "شميدث" أنه تبع السجن عشان يفتن عليهم وينقل كل حاجه لحراس السجن، وفعلا مكنش قدامهم حاجه تانيه غير انهم يشكوا فيه، كان ديما "شميدث" يحلفلهم أنه مسجون زيهم وأنه ملهوش دعوة بأي حد ولا بحراس السجن ولكن برضوا مكنوش بيصدقوا كلامه خالص، وكانوا بيشكوا فيه برضوا.

 وفي يوم قرر "شميدث" أنه يقولهم على السر ورا معاملة حراس السجن وقرر أن يجمع كل السجناء وأول حاجه سألهم سؤال: بتكتبوا إيه في رسائلكم إلي تبعتوها لهلكوا؟

رد كل السجناء عليه وقالوا: بنكتبلهم كل حاجه بتحصل معانا ومعاملة حراس السجن معانا وأنهم بيعملونا وحش جدا وان بنكرهم جدا وبنكره الأيام معاهم وأنهم بيظلمونا اوي.

ضحك "شميدث" عليهم وقالهم انتو كدا حليتوا اللغز الي عايزين تعرفوه لأن انا كل ما ببعت رسائل لمراتي وأهلي اقولهم أن كويس جدا وفي اخر سطر في الورقة اكتبلهم أن حراس السجن بيعملوني كويس جدا جدا وفي أوقات بكتب اسماء حراس معينين أنهم كويسين جدا معايا حتي لو بكذب بس بمدح فيهم اوي.

كل السجناء استغربوا اوي عشان حراس السجن ظالمين اوي وبعد كدا سأله سجين وقاله ليه بتمدح في حراس السجن كدا!

رد عليه "شميدث" وقاله كل رسائل ديه مش بتخرج من السجن إلا لما كل حراس تقرأها ويشوفوا كل كلمه احنا بنكتبها وبيعرفوا مين بيحبهم ومين بيكرهم، وعتاهم نصيحه أنهم يغيروا طريقة كلامهم في رسالة وهتشوفوا معامله مختلفه من حراس، وتاني أسبوع فعلا لاحظوا سجناء أن معاملة حراس السجن اتغيرت ولكن للأسف للاسوأ، وكان "شميدث" معاهم بيتعامل معاملة وحشة جدا استغرب اوى عشان رساله الي بعتها لمراته امبارح فيها مدح للحراس كان مستغرب جدا ايه اللي اتغير وفعلا جمع كل السجناء تاني و سألهم ايه اللي كتبتوا في رسائلكم الاسبوع دا؟

كل سجناء ردت عليه وقالوا كتبنا أن سجين "شميدث علمنا حاجه جديده عشان نخدع حراس السجن الاشرار عشان نكسب ثقتهم فينا ونخليهم يعملونا بطريقه كويسه وعشان كدا نمدح فيهم كذب.

- ازبكية دوت كوم نجلب لك كل ما هو قيم تابعنا لكل جديد https://www.azpkia.com https://facebook.com/azpkia

https://www.instagram.com/azpkiaa

https://www.tiktok.com/@azpkia

https://www.youtube.com/@azpkia